ازاي تكوني ست بيت شاطرة

 في هذا المقال هقولك أزاي تكوني ست بيت شاطرة وازاي وقتك هيكفي تخلصي كل شغل البيت وكمان هيكون عندك وقت فراغ علشان تمارسي أي هواية أنتي بتحبيها وكمان يكون عندك وقت تهتمي بنفسك وتتمتعي ..

أولا يا ست الكل : أعملي كوباية شاي كدة أوشاي بلبن ةتعالي نتكلم مع بعض وهقولك كل حاجه عن تجربة ..

أول حاجه ازاي نبدأ هتبدأي بأنك تغيري نفسك وتنوى علي التغيير وتكوني حابه التغيير خلاص من النهاردة هتغير وهبدأ أهتم ببيتي وأولادى وجوزى هنتكلم عن كل حاجه في البيت 

هنبدأ بنظافة البيت :  لازم تكون إيدك علي طول في البيت ومتأجليش حاجه لبكرة لأنك لو عملتي كدة هتتراكم عليكي كل حاجه وهنرجع لنقطة الصفر تاني وهتكسلي فأول حاجه هنعملها هنعمل جدول وننظم وقتنا تجربتي من نظافة البيت كل يوم لازم تروقي كدة مش لازم تشيلي سجاد كل يوم ولا لازم تمسحي كل يوم المطلوب منك انك تروقي وتخلي شكل البيت نظيف ومرتب وممكن نلمع كدة علي حسب ممكن تعملي يوم واحد في الاسبوع أنك تشيلي فيه البيت وتمسحي وتلمي السجاد براحتك ولكن في حاجات لازم تعمليها كل يوم ..

مثلا ..ترتيب السرير وتطبيق الغطا والملايات وتشيلي اللعب في مكانها مثلا ودة بيكون بالنسبة لغرف النوم سواء غرفتك أو غرفت الاطفال وكمان ممكن تلمعي سريعا كدة المكاتب او التسريحة بتاعتك مثلا وممكن كمان تعطري الغرف بمعطر جو او بخور ريحته حلوة والخطوة دى هتحسسك بالنظافة أوي وهتخرج الطاقة السلبية وتدخل الطاقة الايجابية ..

أما بالنسبة للمطبخ ..فا دة لازم تكون أيدك فيه علي طول وأنتي واقفة تعملي الغدا مثلآ تغسلي أي حاجه هتستخدميها علي طول سواء كانت معلقة أو شوكة او أدوات الغرف ودة بعد ما تخلصي طبخ وتسيبي أكلك يستوى فا تنظفي مكانك علشان لما تخلصو غدا مواعين الغدا تكون خفيفة وسهلة عليكي ومفيش حاجه تتراكم عليكي وتكسلي عليها جدتي الله يرحمها كانت دايما تقول مثال جميل أوي عن مواعين الغدا او العشا او المواعين عمتا كانت تقول كل هين وأغسل لين يعني بعد ما نخلص نغسل الاطباق علي طول قبل ما الاكل يمسك فيها مثلا او تفضل باليوم والاثنين في الحوض وتكسلي عليهم أما بالنسبة للبوتجاز فا دة كل يوم وانتي بتغسلي مواعين الغدا او العشا هتمشي عليه بليفة سريعه كدة فا هيكون علي طول نظيف وكمان مفيش حاجه هتلزق فيه وهيكون دايمآ نظيف..

وبكدة هتلاقي كل حاجه معاكي سهله وزي الفل ومش هتحسي بزهق وخنقة من منظر البيت لان عنينا بتحب كل حاجه جميلة ومرتبة هنيجي بئي للغسيل برضه الغسيل طبعا مش هوصيكي مش لازم يتراكم غسيل كتير في الحمام ويكون شكل الحمام مبهدل منه هيتحط في سبت حلو وهنغسل وننشر والغسيل اللي لمناه يطبق علي طول منخليش الغسيل هنا وهنا في الغرفة هنطبق أول بأول علشان ميتراكمش علينا ويكون منظر الاوضة مش مرتب بسببه كل حاجه عينك تيجي عليها لازم تروقيها ومتقوليس بكرة كل دة هيكون سهل

 مع تنظيم وقتك ووقت أولادك ووقت نومهم وصحيانهم والحاجات دي عن تجربة بتفرق جدا وبتلاقي وقت فراغ لنفسك كتير تهتمي بنفسك فيه وتعملي أي حاجه تحبيها هوايه مثلا او شغل .....ألخ

أما الحمام فا دة بيكون أخر حاجه في البيت وانتي داخلة تاخدي شور حلو كدة تروقية بالمرة وهيكون سهل عليكي

وهتلاقي نفسك متفرغا تماما بالليل بعد ما روقتي ونيمتي أولادك ممكن تتفرجي علي التليفزيون والا تعملي كروشية مثلا اوتعملي هواية بتحبيها تدلعي نفسك ماسكات كمان مفيش مانع تدخلي علي صفحات تشجعك أكتر علي النظافة وتسألي عن أي حاجه عايزة تعرفيها وتعملي لنفسك روتين يومي ومش عيب نتعلم من بعض وتكتسبي خبرات أكتر ..

ملخص المقال :كما يقال ل تأجل عمل اليوم الي الغد .